Літоўскія мытнікі затрымалі на мяжы амаль мільён пачкаў кантрабандных беларускіх цыгарэт
Мытнікі з Літвы 20 жніўня на пункце пропуску «Райгард» (з беларускага боку «Прывалка») выявілі вельмі буйную партыю кантрабандных цыгарэт. У машыне перавозілі амаль мільён пачкаў.
Грамадзянін Беларусі, якога надглядалі мытнікі, заявіў, што вязе ў грузавіку поліэфірнае валакно. Але машыну праверылі рэнтгенам і выявілі, што за некалькімі пакункамі валакна перавозяцца цыгарэты беларускай вытворчасці — 967 тысяч пачкаў Minsk, NZ, Queen, Dove, Fest і іншыя. Кошт кантрабанднай партыі ацанілі ў 3,99 млн еўра.
Кіроўцу грузавіка Daf затрымалі на два дні, але адпусцілі пад заставу 15 тысяч еўра. Адносна яго распачалі дасудовае расследаванне.
Літоўскія мытнікі расцэньваюць гэты і іншы выпадкі, якія апошнім часам пачасціліся, як сведчанне пэўнага адчаю кантрабандыстаў: яны цыгарэт ужо амаль не хаваюць і рызыку пад увагу не бяруць, а проста спадзяюцца, што мытнікі не стануць правяраць кожны грузавік.
Калі раней такія буйныя партыі лавілі некалькі разоў на год, то цяпер — ці не кожны месяц, пішуць літоўскія мытнікі. Акрамя таго, раней кантрабанда была куды больш крэатыўная і вынаходлівая.
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары