Уладальнікі крамы Brama Krama паказалі новы дызайн pop-up паштовак — з будынкам мінскага касцёла Святога Роха, піша CityDog.io.
Касцёл Святога Роха — неагатычная прыгажосць, якая хаваецца побач з праспектам Незалежнасці як напамін пра Мінск амаль двухсотгадовай даўніны.
Касцёл названы імем французскага святога, абаронцы людзей і жывёл ад чумы, і да 1930-х тут захоўвалася цудатворная драўляная скульптура, якая, паводле паданняў, уратавала горад ад эпідэміі пры канцы XVIII стагоддзя.
З 2018 года ў касцёле спачывае прах Марыі Магдалены Радзівіл — вядомай беларускай асветніцы і мецэнаткі, якая на пачатку мінулага стагоддзя фінансавала выдавецтва «Загляне сонца і ў наша аконца».
Набыць паштоўку можна на сайце, цана — 17,50 руб.
Каментары