Гаворка ідзе пра артыкулы 190 і 209 Крымінальнага кодэкса: махлярства і легалізацыя (адмыванне) маёмасці, атрыманай злачынным шляхам.
Служба бяспекі Украіны, Бюро эканамічнай бяспекі і Офіс генпракурора ўручылі алігарху Ігару Каламойскаму падазрэнне па некалькіх артыкулах Крымінальнага кодэкса. Паводле даных крыніц УП, гаворка ідзе пра артыкулы 190 і 209 Крымінальнага кодэкса: махлярства і легалізацыя (адмыванне) маёмасці, атрыманай злачынным шляхам, піша «Украінская праўда».
«Падазрэнне» было ўручанае пры ператрусе. Пракуроры будуць хадайнічаць аб утрыманні пад вартай з альтэрнатывай закладу, арыенціровачным да сумы страт.
Спецслужба адзначае: устаноўлена, што на працягу 2013-2020 гадоў Ігар Каламойскі легалізаваў больш за паўмільярда грыўняў шляхам іх вываду за мяжу, выкарыстоўваючы пры гэтым інфраструктуру падкантрольных банкаўскіх устаноў.
Дасудовае расследаванне пры працэсуальным кіраўніцтве офіса генеральнага пракурора працягваецца.
У лютым 2023 года Служба бяспекі Украіны і Бюро эканамічнай бяспекі праводзілі ператрус дома ў алігарха Ігара Каламойскага ў Дняпры.
Тады было вядома, што расследаванне тычыцца махінацый вакол «Укртатнафты» і «Укрнафты».
Цяпер чытаюць
Што здарылася з Мікітам Мелказёравым, які раптоўна памёр ноччу?31
Каментары
У рБ падобнае пасля 94 практыкавалі ..але праз 30 год ніхто болей на падобнае ні вядецца