Прэзідэнт Украіны Уладзімір Зяленскі заявіў, што збіраецца замяніць на пасадзе міністра абароны краіны Аляксея Рэзнікава на Рустэма Умерава.
«Аляксей Рэзнікаў прайшоў гэтыя больш чым 550 дзён поўнамаштабнай вайны. Лічу, што Міністэрства мае патрэбу ў новых падыходах і іншых фарматах узаемадзеяння як з ваеннымі, так і з грамадствам у цэлым. Вярхоўная Рада Украіны добра ведае гэтага чалавека, і пан Умераў не патрабуе дадатковых прадстаўленняў. Чакаю ад парламента падтрымкі гэтай кандыдатуры» — растлумачыў сваё рашэнне ўкраінскі лідар.
Рустэм Умераў нарадзіўся ў 1982 годзе ў горадзе Булунгур Самаркандскай вобласці, куды сям'я Умеравых у 1944 годзе была дэпартаваная з Крыма. У канцы 1980-х гадоў у рамках рэпатрыяцыі крымскіх татараў сям'я вярнулася ў Крым. Умераў вядомы прадпрымальнік, мецэнат і палітык. Быў выбраны ў 2019 годзе ў народны дэпутаты ад партыі «Голас». З 2022 года — старшыня Фонду дзяржаўнай маёмасці Украіны. Вайсковага досведу не мае.
«Наша Нiва» — бастыён беларушчыны
ПАДТРЫМАЦЬЦяпер чытаюць
Каментары
Зеленский в руках Ермака игрушка. Пока Залужный не устранит Ермака, война будет дольше.