Сілавікі затрымалі мужчыну, які ў 2020 годзе «перашкаджаў затрыманню Сцяпана Латыпава»
Сілавікі затрымалі мужчыну, які ў 2020 годзе «перашкаджаў» затрыманню Сцяпана Латыпава, калі ён разам з суседзямі выйшаў абараніць мурал з «дыджэямі перамен». Відэа з ім зʼявілася ў блізкім да сілавікоў тэлеграм-канале, піша mediazona.by.
На камеру мужчына кажа, што браў удзел у несанкцыянаваным мітынгу на «плошчы Перамен», калі затрымалі Сцяпана Латыпава. Мужчына кажа, што «перашкаджаў» затрыманню.
У відэа сілавікоў устаўленыя кадры з дня затрымання Латыпава. На іх відаць, што затрыманы стаяў збоку, але ў нейкі момант сілавікі падышлі да яго і адштурхнулі мужчыну ў бок. Далей ён ішоў разам з суседзямі ў баку.
Які артыкул выстаўляюць затрыманаму — невядома.
Сцяпана Латыпава затрымалі 15 верасня на «плошчы Перамен». 20 верасня дзяржаўныя тэлеканалы АНТ і БТ паказалі сюжэты, у якіх сцвярджалася, што Латыпаў арганізаваў незаконны канал паставак небяспечных хімікатаў у краіну і, паводле версіі сілавікоў, збіраўся выкарыстоўваць атруту супраць міліцыянтаў.
16 жніўня 2021 года Сцяпан Латыпаў асуджаны да 8,5 гадоў зняволення.
Цяпер чытаюць
Памерла палітзняволеная Алена Панкова. Паўгода назад яе асудзілі за ўдзел у пратэстах3
Каментары