Свет66

Палата прадстаўнікоў ЗША ўпершыню адправіла спікера ў адстаўку

Палата прадстаўнікоў ЗША ў аўторак прагаласавала за адхіленне спікера Кевіна Макарці ад займанай пасады. За ініцыятыву выказаліся 216 кангрэсменаў, 210 — выступілі супраць, піша «Радыё Свабода».

Кевін Макарці. Фота: J. Scott Applewhite / AP

Пастанова прынятая на фоне спрэчак паміж калегамі Макарці ў Рэспубліканскай партыі, якую ён таксама прадстаўляе. Спрэчкі прывялі да далейшага хаосу ў Кангрэсе ўсяго праз некалькі дзён пасля таго, як парламенту ледзь удалося ўзгадніць часовы бюджэт і прадухіліць спыненне працы федэральнага ўрада.

Галасаванне 3 кастрычніка адзначыла першы выпадак у гісторыі Злучаных Штатаў, калі Палата прадстаўнікоў адхіліла свайго лідара з ініцыятывы адносна невялікай групы правых рэспубліканцаў пад кіраўніцтвам кангрэсмена Мэта Гетца ад штата Фларыда. Ён абвінаваціў лідара большасці ў палаце ў тым, што той не распачаў дастатковых намаганняў для скарачэння федэральных выдаткаў.

Падчас дэбатаў перад галасаваннем па рэзалюцыі Гетц і некалькі яго саюзнікаў раскрытыкавалі Макарці за тое, што ён спадзяваўся на дэмакратаў пры прыняцці законапраекта па часовым фінансаванні.

«Нам патрэбны спікер, які будзе змагацца за нешта — за што заўгодна — акрамя таго, каб заставацца спікерам», — сказаў прадстаўнік рэспубліканцаў Боб Гуд.

Прыхільнікі Макарці, у тым ліку і некаторыя з тых, каго адносяць да кансерватыўнага крыла, настойвалі, што спікер паспяхова абмежаваў выдаткі і прасоўваў іншыя важныя для партыі прыярытэты. Гэтыя дасягненні могуць апынуцца пад пагрозай, папярэджвалі абаронцы Макарці.

Часовым спікерам Палаты прадстаўнікоў ЗША абраны кангрэсмен-рэспубліканец ад штата Паўночная Караліна Патрык Макгенры, найбліжэйшы паплечнік адхіленага спікера, паведамляе CNN. Яго прызначэнне на пасаду часовага спікера было падтрымана прадстаўнікамі абедзвюх партый у Кангрэсе ЗША. Кандыдатура Макгенры была прапанаваная Кевінам Макарці.

Каментары6

  • даведка
    04.10.2023
    Нам бы их проблемы... 74-летний спикер белорусской палаты представителей Владимир Андрейченко покрасил свои бровки для встречи с первым заместителем парламента Никарагуа Арлинг Патрисией Алонсо Гомес.
  • Наводчик
    04.10.2023
    даведка, вот это новости, лукашисты начали красится как юные мальчики, значит дело Олега.Г живет и процветает. Такими темпами они скоро начнут себе губы и попу накачивать силиконом, тем более это же самые главные части дела для продвижения по вертикали.
  • Е Х-П
    04.10.2023
    Это только первые тревожные звоночки. Внутри республиканской партии США явно будет противостояние.

    При этом Дональд Трамп поддержал МакКарти. Как бы повод задуматься.

Цяпер чытаюць

Стала вядома пра смерць 47-гадовага бізнэсмена і былога палітвязня Дзяніса Бойдака

Стала вядома пра смерць 47-гадовага бізнэсмена і былога палітвязня Дзяніса Бойдака

Усе навіны →
Усе навіны

Што за секта «ИВДИВО», 15 чалавек якой затрымалі сілавікі, і чаму ў Беларусі ўзяліся за яе толькі цяпер2

Моднікі падразаюць сабе вейкі — што адбываецца?12

Спецпасланнік Трампа: Кіраўніцтва Украіны пагадзілася з правядзеннем прэзідэнцкіх выбараў13

Ліміт выплат па еўрапратаколе вырас з 800 еўра да 6300 рублёў1

У Мінску хуткасць арэндных самакатаў збіраюцца знізіць да 20 км/г, а ў цэнтры — да 7 км/г7

Пры Мірскім замку ўзнаўляюць італьянскі сад XVIII стагоддзя. Комплекс чакае маштабная разбудова5

Невядомыя апаганілі статую Уэйна Грэцкі ў Эдмантане3

Трамп скасоўвае прававы статус 530 тысяч кубінцаў, гаіцянаў, нікарагуанцаў і венесуэльцаў2

Дзе ляжыць выкуплены Статут ВКЛ? Павел Мацукевіч — пра тое, што беларусы мусяць сабе вярнуць8

больш чытаных навін
больш лайканых навін

Стала вядома пра смерць 47-гадовага бізнэсмена і былога палітвязня Дзяніса Бойдака

Стала вядома пра смерць 47-гадовага бізнэсмена і былога палітвязня Дзяніса Бойдака

Галоўнае
Усе навіны →

Заўвага:

 

 

 

 

Закрыць Паведаміць