Міністэрства юстыцыі ЗША дамагалася для Энрыке Тарыа 33 гадоў турэмнага зняволення.
Амерыканскі суд прысудзіў былога лідара праварадыкальнай групоўкі Proud Boys («Гордых хлопцаў) Энрыке Тарыа да 22 гадоў турмы за ўдзел у штурме Капітолія ЗША 6 студзеня 2021 года, піша Бі-бі-сі.
Энрыке Тарыа быў асуджаны за падбухторванне да мяцяжу і ўдзел у планаванні штурму Капітолія, калі тысячы прыхільнікаў былога прэзідэнта ЗША Дональда Трампа сілай спрабавалі перашкодзіць Кангрэсу зацвердзіць вынікі выбараў, якія Трамп і яго прыхільнікі называлі сфальсіфікаванымі.
Пракуратура сцвярджала, што Proud Boys мелі намер сілай пакінуць Трампа ва ўладзе.
Міністэрства юстыцыі ЗША дамагалася для Энрыке Тарыа 33 гадоў турэмнага зняволення.
Турэмны тэрмін Тарыа стаў самым доўгім пакараннем, вынесеным у рамках судовых пераследаў за беспарадкі 6 студзеня 2021 года. Да гэтага заснавальнік арганізацыі Oath Keepers Сцюарт Родс, асуджаны па асобнай справе за падбухторванне да мяцяжу, быў прысуджаны да 18 гадоў.
Раней суд прысудзіў іншага лідара Proud Boys Ітана Нордзіна да 18 гадоў пазбаўлення волі.
Паводле высноваў следства, больш за сотню прыхільнікаў Трампа 6 студзеня сабраліся ў Вашынгтоне падчас выступу экс-прэзідэнта і, каардынуючы свае дзеянні па радыёсувязі, адправіліся да Капітолія.
Самога Тарыа ў Вашынгтоне 6 студзеня не было, але, на думку пракуратуры і прысяжных, ён публічна заяўляў пра свой удзел у гэтай змове.
«Падсудныя лічылі сябе войскам Дональда Трампа, якое ваюе за тое, каб пакінуць іх правадыра ва ўладзе, нягледзячы на закон і меркаванне судоў», — сказаў у судзе прадстаўнік Міністэрства юстыцыі Конар Малроу.
«Яны накіравалі на Капітолій сілу, разлічаную на тое, каб гвалтам зацвердзіць сваю палітычную волю сярод абраных службовых асоб і скасаваць вынікі дэмакратычных выбараў», — гаворыцца ў заяве пракуратуры.
Федэральным уладам удалося ідэнтыфікаваць больш за тры дзясяткі ўдзельнікаў штурму Капітолія.
Памятаеце амерыканца, які папрасіў прытулку пасля штурму Капітолія? Ён выкладае англійскую ў Брэсце
Дональда Трампа афіцыйна абвінавацілі ў злачынстве супраць дзяржавы і грамадзян — спробе скасаваць вынікі выбараў
Бунтаўшчыка, які закінуў ногі на стол падчас штурму Капітолія, асудзілі на 4,5 года калоніі
Цяпер чытаюць
«Стаўленне як да скаціны». Прарасійскі блогер расказаў пра 25 сутак ў ІЧУ6
«Стаўленне як да скаціны». Прарасійскі блогер расказаў пра 25 сутак ў ІЧУ
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1515
Каментары