Памерла 104-гадовая жанчына, што на мінулым тыдні скокнула з парашутам з вышыні 4000 метраў
Памерла 104-гадовая амерыканка Дораці Хофнер, якая скокнула з парашутам у пачатку месяца. Жанчына памерла да таго, як Кніга рэкордаў Гінеса паспела афіцыйна прызнаць яе дасягненне як найстарэйшай парашутысткі ў свеце.
Дораці Хофнер. Скрыншот відэа
Хофнер больш за сорак гадоў працавала тэлефаністкай, на пенсію яна выйшла 43 гады таму. Замужам жанчына ніколі не была, блізкіх сваякоў у яе няма.
Упершыню яна скокнула з парашутам ў 100 гадоў, а 1 кастрычніка 2023 года ў 104 гады паўтарыла скачок у тандэме з інструктарам Дэрэкам Бакстэрам з вышыні 4 000 метраў.
Каментары