Памерла Луіза Глюк — лаўрэатка Нобелеўскай прэміі па літаратуры 2020 года
Ёй было 80 гадоў.
Ва ўзросце 80 гадоў памерла амерыканская паэтка Луіза Глюк, лаўрэатка Нобелеўскай прэміі па літаратуры 2020 года.
Яна памерла ў сваім доме ў Кембрыджы (штат Масачусетс). Апошнія гады яна пакутавала ад цяжкага захворвання. Пра смерць Глюк паведаміў Джонатан Галасі, яе рэдактар у выдавецтве Farrar, Straus & Giroux.
Луіза Глюк нарадзілася ў сям'і яўрэйскіх выхадцаў з Расійскай імперыі і Аўстра-Венгрыі. Вучылася ў каледжы Сары Лоўрэнс і ў Калумбійскім універсітэце. Выкладала англійскую мову ў каледжы Уільямса ў Уільямстаўне (Масачусетс), у Ельскім, Бостанскім і Аёўскім універсітэтах.
Была аўтаркай больш за 20 кніг вершаў і эсэ.
Луіза Глюк была пляменніцай амерыканскага эканаміста Саймана Кузняца, які нарадзіўся ў Пінску ў 1901 годзе. У 1910-м ягоны бацька Абрам правярнуў вялікую фінасавую аферу і збег у Амерыку. У 1971 годзе Сайман Кузнец атрымаў Нобелеўскую прэмію па эканоміцы, стаўшы першым ураджэнцам Беларусі, які атрымаў Нобеля.
Беларускага Сінюю Бараду адпусцілі з расійскай турмы паміраць дома6
Беларускага Сінюю Бараду адпусцілі з расійскай турмы паміраць дома
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары