Прэзідэнт Азербайджана Ільхам Аліеў у нядзелю падняў сцяг краіны ў горадзе Ханкендзі (Сцепанакерце — былой сталіцы самаабвешчанага Нагорнага Карабаха), піша «Свабода».
Акрамя таго, Аліеў падняў азербайджанскія сцягі ў Хаджалы, Агдэры і іншых населеных пунктах Карабаха, якія вярнуліся пад кантроль Баку пасля правядзення ў рэгіёне 19 верасня ваеннай аперацыі.
Такім чынам, Азербайджан аднавіў поўны суверэнітэт над Карабахам.
Карабах паводле міжнароднага права лічыцца часткай Азербайджана.
Насельніцтва рэгіёна пераважна складалі армяне. З пачатку 1990-х гадоў Баку не кантраляваў большую частку тэрыторыі, там была абвешчана Нагорна-Карабахская Рэспубліка, не прызнаная ніводнай краінай свету. Акрамя самога Нагорнага Карабаха армянскае войска захапіла некаторыя прылеглыя раёны Азербайджана, што не ўваходзяць у Карабах.
19 верасня Азербайджан у выніку аднадзённай ваеннай аперацыі прымусіў урад непрызнанай Нагорна-Карабахскай рэспублікі капітуляваць.
Армянскае насельніцтва, пад страхам пераследу, масава пакінула свае дамы. Паводле ацэнкі ААН, у рэгіёне за некалькі тыдняў засталося не больш за тысячу са 120 тысяч армян, якія там жылі. Ерэван назваў адʼезд насельніцтва этнічнай чысткай.
Азербайджанскія ўлады заклікалі жыхароў застацца ў рэгіёне і заявілі пра гатоўнасць весці перамовы аб рэінтэграцыі армянскага насельніцтва Карабаха.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»47
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары