Доследны ўзор газонакасілкі Belarus прэзентаваў Смаргонскі агрэгатны завод (САЗ), які ўваходзіць у холдынг МТЗ. Машына мае прамысловае прызначэнне, эфектыўная для пакосу дваровых і паркавых тэрыторый, паведамляецца ў тэлеграм-канале МТЗ.
Газонакасілку спраектавалі канструктары САЗ, спецыялісты Мінскага трактарнага завода распрацавалі дызайн-праект.
«Гэта імпартазамяшчальны прадукт, які будзе мець цану ніжэйшую, чым у замежных аналагаў, і пры гэтым не саступаць ім па якасці і магчымасцях. Попыт на такія газонакасілкі ў беларускіх камунальных арганізацыях вялікі, таму разлічваем выйсці на масавы выпуск», — распавёў намеснік галоўнага інжынера ААТ «САЗ» Дзмітрый Чыжэўскі.
У наступным годзе плануецца выпусціць партыю касілак для перадачы камунальнай гаспадарцы Мінска.
Каментары