Праваабаронцы прызналі былымі палітвязнямі яшчэ 39 чалавек, якія не мелі гэтага статусу ў турме
Праваабаронцы прызналі былымі палітвязнямі 39 чалавек, якія не мелі гэтага статусу ў месцах пазбаўлення волі, паведамляе праваабарончы цэнтр «Вясна».
Імёны гэтых людзей — Барысава Алеся, Бондар Юрый, Вадапʼян Таццяна, Глівенка Сяргей, Гуртавы Дзмітрый, Давыдаў Юрый, Двойрын Ілля, Іванова Кацярына, Кавалёў Антон, Качан Вікторыя, Козак Аляксандр, Карнееў Сяргей, Кушнір Іван, Лабунская Святлана, Ланге Івар, Ляўлюх Андрэй, Макаранка Павел, Маслоўскі Ігар, Міцковіч Сяргей, Мурашкін Данііл, Нікалаева Ларыса, Нікіцін Даніла, Панасевіч Яніна, Парамонаў Вадзім, Патрэбка Андрэй, Пратасевіч Андрэй, Пшанко Уладзіслаў, Смалеўскі Вадзім, Сталярчук Алеся, Сянько Аляксандр, Тачылін Мікалай, Хамічук Максім, Чыкілёў Сцяпан, Шаўчэнка Аляксандр, Шнэйдэраў Ігар, Шуміла Аляксандр, Шыльц Юрый, Юдчыц Юрый, Якунін Аляксандр.
У сумеснай заяве праваабаронцы запатрабавалі перагляду іх крымінальных спраў для адмены вынесеных прысудаў, іх поўнай рэабілітацыі з кампенсацыяй усіх відаў шкоды, нанесенай адвольным асуджэннем і пазбаўленнем волі.
Акрамя «Вясны», заяву падпісалі Беларуская асацыяцыя журналістаў, Беларускі дом правоў чалавека імя Барыса Звозскава, Lawtrend, «Прававая ініцыятыва».
Раней 18 верасня былымі палітвязнямі праваабаронцы прызналі іншых 150 чалавек, якія не мелі гэтага статусу ў няволі. Такім чынам, іх агульная колькасць дасягнула 189.
У месцах пазбаўлення волі цяпер знаходзіцца 1479 афіцыйна прызнаных палітвязняў, але рэальна гэтая лічба нашмат большая.
«Прачытайце яе гісторыю». Лукашэнку давялося апраўдвацца перад Пуціным за георгіеўскія стужкі11
Каментары