Свет

Масавая cтральба ў штаце Мэн: не менш за 16 загінулых, 50 параненых. Злачынцу пакуль не злавілі

Узброены мужчына адкрыў стральбу ў двух месцах у горадзе Льюістан у амерыканскім штаце Мэн. Адлегласць паміж імі — шэсць кіламетраў.

Фота: офіс паліцыі Льюістана

Узброены мужчына адкрыў стральбу ў горадзе Льюістан у амерыканскім штаце Мэн. Паведамляецца, што не менш за 16 чалавекі былі забітыя, больш за 50 — параненыя, піша Бі-бі-сі.

Паводле звестак паліцыі, нападнік усё яшчэ не абясшкоджаны. Паліцыя перасцерагае, што злачынец узброены і вельмі небяспечны.

Забойцу завуць Роберт Кард, яму 40 гадоў.

Чалец гарадской рады Роберт Мак-Карці паведаміў тэлеканалу CNN, што ўлады пацвердзілі гібель 16 чалавек, а таксама інфармацыю пра «шмат-шмат параненых».

Па паведамленні паліцыі, выклікі паступілі з двух месцаў — рэстарана Schemengees і боўлінг-хола Sparetime Recreation. Адлегласць паміж імі складае 6,5 кіламетра, гэта парадку 10 хвілін язды на машыне.

Жыхарам другога па велічыні горада штата рэкамендавана схавацца ў бяспечных месцах.

Паведамляецца, што пакуль вядуцца пошукі злачынцы, у горадзе ўведзены поўны лакдаўн.

Цэнтральны медыцынскі цэнтр штата Мэн паведаміў, што рэагуе на «маштабны інцыдэнт са стральбой з вялікай колькасцю пацярпелых» і ў гэты момант каардынуе свае дзеянні з лячэбнымі ўстановамі паблізу.

На сваёй старонцы ў сацсетцы Х паліцыя штата Мэн паведаміла: «У Льюістане дзейнічае актыўны стралок. Мы просім жыхароў схавацца. Калі ласка, заставайцеся ў сваіх дамах і зачыніце дзверы».

Раней офіс акруговага шэрыфа распаўсюдзіў фатаграфіі падазраванага — як відаць, кадры сістэмы відэаназірання — з просьбай дапамагчы ў высвятленні яго асобы. На іх бачны ўзброены аўтаматычнай вінтоўкай мужчына з барадой і ў карычневай куртцы ля ўвахода ў забаўляльны цэнтр.

Фота: офіс паліцыі Льюістана

Акрамя таго, паліцыянты апублікавалі фота белай легкавой машыны, папрасіўшы звязацца з імі ўсіх, каму яна здаецца знаёмай.

Белы дом паведаміў, што прэзідэнт Джо Байдэн праінфармаваны і працягне атрымліваць аператыўную інфармацыю.

Каментары

Цяпер чытаюць

«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца16

«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца

Усе навіны →
Усе навіны

Гайдукевіч параіў выкладваць у тыкток «не дупу»16

Беларуска падзялілася ўражаннямі ад аўтобуснага тура ў Дагестан — 32 гадзіны да першага начлега2

Ахматавец у Курскай вобласці расстраляў краму з гранатамёта. Z-каналы заклікалі пакараць яго, але позна2

Новы фільм з «дзіцём Беларусі». Як «Балерына» працягвае справу Джона Уіка7

У жанчыны ў Германіі нарадзіўся 100-ы праўнук

У Беларусі крытычна падае нараджальнасць. А як у суседніх краінах?16

Расіяне нанеслі масіраваны ўдар па Кіеве і Адэсе1

Актрыса Ганна Хітрык паведаміла, што рак вярнуўся6

Чаму ў сярэднім узросце наша талія павялічваецца? Прычына нечаканая1

больш чытаных навін
больш лайканых навін

«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца16

«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца

Галоўнае
Усе навіны →

Заўвага:

 

 

 

 

Закрыць Паведаміць