Генпракуратура распавяла пра чарговае пасяджэнне «камісіі па вяртанні»
Пад старшынствам Генеральнага пракурора Андрэя Шведа адбылося чарговае пасяджэнне так званай камісіі па разглядзе зваротаў грамадзян, якія знаходзяцца за мяжой, «па пытаннях учынення імі правапарушэнняў, піша Генпракуратура.
Колькі менавіта зваротаў было разгледжана, Генпракуратура не паведамляе, але расказвае пра два.
У адным выпадку камісія разгледзела справу жанчыны, якая «шчыра жадае вярнуцца на Радзіму да сям'і, малалетняй дачкі і састарэлых бацькоў, якія маюць патрэбу ў яе клопаце і дапамозе».
У звароце жанчына «прывяла звесткі аб шчырым раскаянні, гатоўнасці прынесці публічныя прабачэнні і пакрыць шкоду».
Камісія прызнала «мэтазгоднасць замены ў дачыненні да яе меры стрымання ў выглядзе ўзяцця пад варту больш мяккай».
Яшчэ адзін чалавек звярнуўся, бо баіцца вяртацца ў краіну з-за таго, што ў 2020 годзе «ўдзельнічаў у несанкцыянаваных мітынгах, дваровых сходах, вывешваў бел-чырвона-белыя палотны, выказваў недавер да вынікаў выбараў». Цяпер пераасэнсаваў і «гатовы несці адказнасць і выконваць Канстытуцыю, законы сваёй краіны».
Камісіяй, піша Генпракуратура, падрыхтаваны адказ аб адсутнасці ў дачыненні да чалавека распачатага адміністрацыйнага працэсу, заведзенай крымінальнай справы і г. д.
Генпракуратура зрабіла працу камісіі таемнай і не паведамляе, колькі заяў паступіла за час яе працы.
У ліпені кіберпартызаны пісалі, што за 5 месяцаў працы камісіі свае дакументы туды даслалі 16 чалавек. З 16 заявак ухвалілі толькі дзве — ад маці Рамана Пратасевіча і Філіпа Давыдава, якога паказалі прапагандысты на БТ.
У маі генеральны пракурор Андрэй Швед заяўляў, што ў камісію па вяртанні паступіла больш за 70 зваротаў.
-
Мінадукацыі змяніла патрабаванні для беларускіх школьнікаў. За што перастануць зніжаць адзнакі
-
«Ужо там кароў не засталося!»: былы начальнік Качанавай аплаквае стан эканомікі на Полаччыне
-
Рэкет, рэйдарства, згвалтаванні, жорсткія забойствы, сілавікі на зарплаце і лаяльнасць уладаў. Расказваем пра найбуйнейшую банду Беларусі
Цяпер чытаюць
«Ужо там кароў не засталося!»: былы начальнік Качанавай аплаквае стан эканомікі на Полаччыне19
Каментары
Через тюрьмы прогнали 70 тысяч, как минимум - 2000 тысячи посажены до 2026 года !, никто не мешает врать, лгать, оскорблять, фальсифицировать и дурачить !
Всех победили, ан нет, страшно и воюем с Народом дальше.