Афіцэр ФСБ загінуў у выніку абстрэлу машыны памежнікаў у Бранскай вобласці
У рэгіён заходзілі байцы «Рускага добраахвотніцкага корпуса».
Аўтамабіль пагранкіравання падвергся абстрэлу ў Бранскай вобласці. У выніку загінуў падпалкоўнік ФСБ, паведамляе «Настоящее время».
Загінулы — намеснік начальніка аддзела матэрыяльна-тэхнічнага забеспячэння ПУ ФСБ падпалкоўнік Сяргей Шаты. Гэта ж імя называе аўтар тэлеграм-канала WarGonzo Сямён Пегаў.
Агонь са стралковай зброі быў адкрыты па машыне «УАЗ-Патрыёт», у якой ехалі супрацоўнікі пагранслужбы ФСБ. Інцыдэнт адбыўся 9 лістапада каля 16 гадзін у вёсцы Вуліца каля мяжы з Украінай.
У ноч на 10 лістапада ў тэлеграм-канале «Рускага добраахвотніцкага корпуса» з'явілася паведамленне аб пранікненні дыверсантаў у Бранскую вобласць.
«Пакуль у Вільні ішоў дабрачынны аўкцыён, дыверсійна-разведвальная група РДК ішла да сваёй мэты і паспяхова правяла засаду на транспарт праціўніка ў Бранскай вобласці», — паведамілі ў РДК, паабяцаўшы пазней выкласці відэа з вылазкі.
-
Пяскоў: Перамовы Пуціна з Зяленскім магчымыя толькі ў Маскве
-
Мінэнерга Украіны заявіла, што Расія аднавіла ўдары па інфраструктуры. Зяленскі кажа, што мэтанакіраваных удараў не было
-
Прапагандыстка Лебедзева пахвалілася эксклюзівам з Марыупальскага тэатра, які Расія адбудавала з нуля, каб схаваць сляды ваеннага злачынства
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ23
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Каментары