Пра тое, што былы ўдзельнік гурта «Бі-2» Мікалай Плявін знойдзены мёртвым у здымнай маскоўскай кватэры, стала вядома ўвечары 15 лістапада. Праходзіла інфармацыя, што бубнач быў увесь у крыві, таму ўзнікалі версіі пра крымінальныя абставіны смерці.
Урэшце, аднак, выявілася, што музыка памёр ад сардэчнай недастатковасці. Судмедэкспертыза пацвердзіла, што смерць мела негвалтоўны характар.
Плявіну было 64 гады, ён пакутаваў ад хранічных праблем з кровазабеспячэннем сэрца. Чатыры гады таму ён перанёс інсульт, апошнім часам лячыўся ад анкалагічнага захворвання. А прыкладна месяц таму, па сведчанні блізкіх, музыка зваліўся з самаката.
Цела былога бубнача праляжала ў кватэры амаль трое сутак. Памерлага знайшоў яго сын, які стаў хвалявацца з-за знікнення бацькі і прыехаў яго адведаць.
Мікалай Плявін граў у гурце «Бі-2» з 1999 да 2006 года.
Цяпер чытаюць
Настасся Касцюгова сустракаецца з комікам Максімам Канавалам. Яна расказала, як ім жывецца разам6
Каментары