У Смаргоні мужчына на вачах у людзей зарэзаў сабаку. Што вырашыў суд
Суд Смаргонскага раёна нядаўна разгледзеў крымінальную справу аб жорсткім абыходжанні з жывёлай.
Ілюстрацыйнае фота
Злачынства адбылося ў жніўні. Абвінавачаны на вачах у іншых людзей у грамадскім месцы ўсадзіў нож у грудзі фокстэр'ера. У судзе адзначылі, што сабака доўга мучыўся, а потым памёр, піша Newgrodno.by.
Прычыны такога ўчынку невядомыя. На судзе мужчына віну прызнаў толькі часткова.
Суд палічыў яго вінаватым. Мужчыну прызначана пакаранне ў выглядзе аднаго месяца арышту.
Прысуд уступіў у законную сілу і можа быць абскарджаны і апратэставаны.
Цяпер чытаюць
У Беларусі множацца пляцоўкі для танцаў на свежым паветры — паглядзіце, як адпальваюць разам моладзь і пенсіянеры ў Серабранцы2
Каментары