У Брэсце каля галоўнай гарадской ялінкі 1 снежня запрацавала коўзанка. Улады анансавалі, што яна ўнікальная і катацца тут можна будзе пры любым надвор'і, але аказалася, што гэта не зусім так, піша CityDog.io.
Па словах гарадскіх уладаў, гэтая коўзанка павінна была стаць унікальнай: амаль 500 кв. м сінтэтычнага лёду «прэміум-якасці аднаго з вядучых сусветных вытворцаў». Абяцалі, што коўзацца тут можна будзе пры любым надвор'і, і нават разыгрывалі запрашальныя ад адміністрацыі горада на першы сеанс.
Але рэальная практыка расчаравала. У выходныя ў тыкток-акаўнце брэсцкага журналіста Дзяніса Марука з'явілася некалькі відэа з расчараванымі гараджанамі, якія наракаюць, што канькі па сінтэтычным лёдзе зусім не слізгаюць.
Ды і на відэа бачна, што людзі больш ходзяць па катку, чым едуць. Больш-менш прымальна гэта атрымліваецца толькі ў дзяцей за кошт невялікай вагі.
Пад пастамі журналіста ў тыктоку шмат незадаволеных, якія расчараваныя і пішуць, што лепш бы грошы з бюджэту выдаткавалі на нешта іншае.
Цяпер чытаюць
Памятаеце мінчука, які ў 2017‑м выратаваў сцяг з-пад ног амапаўцаў — коштам сваёй свабоды? Цяпер яму, былому палітвязню, трэба дапамога3
Памятаеце мінчука, які ў 2017‑м выратаваў сцяг з-пад ног амапаўцаў — коштам сваёй свабоды? Цяпер яму, былому палітвязню, трэба дапамога
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам4848
Каментары