Першыя беларусы ўжо атрымалі літоўскія гуманітарныя ДНЖ на 3 гады
Сёння стала вядома, што першыя беларусы, якія звярталіся за працягам літоўскага дазволу на жыхарства па гуманітарных падставах, атрымалі рашэнне аб яго працягу на тры гады, паведамляецца ў тэлеграм-канале Святланы Ціханоўскай.
Гэта сведчыць пра тое, што нядаўна прыняты адпаведны закон Літоўскай Рэспублікі ужо набыў моц. Раней гуманітарныя ДНЖ у Літве трэба было працягваць штогод.
«Мы вельмі ўдзячныя нашым літоўскім партнёрам за гэтыя змены ў заканадаўстве. Для нас вельмі важна, што беларусы, якія не могуць вярнуцца дадому з-за пераследу з боку рэжыму, могуць пачувацца ў бяспецы і разлічваць на своечасовую дапамогу з боку Літвы», — заявіла Святлана Ціханоўская.
Таксама выказваецца спадзяванне, што новыя змены часткова здымуць пытанне атрымання праязных дакументаў для гэтай катэгорыі беларусаў, таму што іх тэрмін прывязаны да тэрміну дзеяння ДНЖ.
Дарадца прэзідэнта Літвы выказаў засцярогу, што беларусы-мігранты могуць сфарміраваць пятую калону
Жонка акцёра Уладаса Багдонаса мусіла пакінуць Літву з-за праблем з ДНЖ. Яна грамадзянка Беларусі
«У пытанні «беларусы не роўна расіяне» кропка ў Літве не пастаўлена». Лябедзька расказаў, пра што гаварылі на пасяджэнні парламенцкага камітэта
Цяпер чытаюць
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе6
Каментары