На аўкцыён выставілі гадзіннік «Луч» з выявай Белага дома і прысвячэннем Білу Клінтану
Колькі ён каштуе?
На адным з беларускіх аўкцыёнаў выявіўся цікавы лот. Гэта наручны гадзіннік «Luch» з выявай Белага дома і прысвячэннем Білу Клінтану, звярнула ўвагу Blizko.by.
На чорным цыферблаце адлюстраваны Белы дом у ЗША, стаіць подпіс The White House. Washington.
Крыху ніжэй — Luch. Quartz. Made in Belarus.
На вечку можна прачытаць і прысвячэнне: Bill Clinton. USA-Belarus 1994 Мінск
Гадзіннік ацэнены ў 388 рублёў (121 даляр).
Відавочна, гадзіннік прысвечаны візіту Біла Клінтана ў Мінск. Ён прыляцеў 15 студзеня 1994 года і правёў тут усяго шэсць гадзін.
З анлайн-каталогаў вядома, што таксама «Luch» выпусціў аналагічны гадзіннік, прымеркаваны да візіту Клінтана, толькі на цыферблаце намаляваныя дзяржаўныя сцягі ЗША і Беларусі.
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве55
Каментары