У Баранавічах на аўкцыёне прадаюць аўтограф нібыта Юрыя Гагарына. Цана немаленькая
Прапанова аб продажы аўтографа, які нібыта належыць першаму ў свеце касманаўту Юрыю Гагарыну, з'явілася на буйным сайце па продажы антыкварыяту. Лот знаходзіцца ў Баранавічах, піша мясцовае выданне Bar24.by.
Да куплі прапануецца альбом з паштоўкамі лётчыкаў-касманаўтаў СССР. На паштоўцы з выявай Гагарына стаіць подпіс. Уладальнік альбома піша ў аб'яве, што ён належыць самому Гагарыну, і што аўтограф быў пакінуты ў 1963 годзе.
Аўтограф нібыта Гагарына ўладальнік альбома ацаніў у 35 тысяч беларускіх рублёў. Гэта кошт някепскага патрыманага аўтамабіля.
Пры гэтым ёсць падставы для сумневаў, што аўтограф сапраўды належыць першаму ў свеце касманаўту. Прадаючы такія рэчы, калекцыянеры звычайна прыкладаюць фота сертыфікатаў, якія пацвярджаюць сапраўднасць таго ці іншага подпісу. У гэтым жа выпадку пра сертыфікат нічога не сказана. Ягонае фота таксама не выстаўляецца, толькі сам альбом і подпіс на фота з Гагарыным.
Трэба сказаць, што на расійскіх сайтах аўтографаў Гагарына прадаецца даволі шмат. Цэны на іх вагаюцца ад 35 тысяч да паўтара мільёна расейскіх рублёў, у пераліку на беларускія гэта прыкладна ад 1100 да 51000.
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі4
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары