Міністр грамадзянскай абароны Швецыі заклікаў суграмадзян «быць гатовымі да вайны»
Міністр грамадзянскай абароны Карл Оскар Болін папярэдзіў, што Швецыя можа ўступіць у вайну.
У сваім выступе на Нацыянальнай канферэнцыі, якая праходзіла на вайсковай базе Сален у рэгіёне Даларна, міністр заявіў, што да пагроз Расеі варта ставіцца сур'ёзна: «У Швецыі можа пачацца вайна, і наш народ павінен быць гатовы да яе», піша «Анадалу».
Нагадаўшы пра той факт, што Швецыя не была ў стане вайны на працягу 210 гадоў, Болін дадаў:
«У выніку нападу Расіі на Украіну і без таго дрэнная сітуацыя з бяспекай у Еўропе пагоршылася. Да імклівага пераўзбраення Расіі трэба паставіцца вельмі сур'ёзна. На працягу амаль 210 гадоў мір быў жаданым спадарожнікам шведскага народа. Але сёння ўсё змянілася, і сітуацыя з бяспекай пагоршылася. Як адказны міністр, я абавязаны растлумачыць гэта шведскаму народу»»
Ён заявіў, што шведскі ўрад спрабуе павысіць абараназдольнасць краіны, ствараючы ў свядомасці людзей разуменне таго, што краіна можа ўступіць у вайну. На яго думку, у якасці прыкладу можна паказаць супраціў Украіны супраць Расіі.
Цяпер чытаюць
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся3
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары