Ministr hramadzianskaj abarony Šviecyi zaklikaŭ suhramadzian «być hatovymi da vajny»
Ministr hramadzianskaj abarony Karł Oskar Bolin papiaredziŭ, što Šviecyja moža ŭstupić u vajnu.
U svaim vystupie na Nacyjanalnaj kanfierencyi, jakaja prachodziła na vajskovaj bazie Salen u rehijonie Dałarna, ministr zajaviŭ, što da pahroz Rasiei varta stavicca surjozna: «U Šviecyi moža pačacca vajna, i naš narod pavinien być hatovy da jaje», piša «Anadału».
Nahadaŭšy pra toj fakt, što Šviecyja nie była ŭ stanie vajny na praciahu 210 hadoŭ, Bolin dadaŭ:
«U vyniku napadu Rasii na Ukrainu i biez taho drennaja situacyja ź biaśpiekaj u Jeŭropie pahoršyłasia. Da imklivaha pieraŭzbrajeńnia Rasii treba pastavicca vielmi surjozna. Na praciahu amal 210 hadoŭ mir byŭ žadanym spadarožnikam šviedskaha naroda. Ale siońnia ŭsio źmianiłasia, i situacyja ź biaśpiekaj pahoršyłasia. Jak adkazny ministr, ja abaviazany rastłumačyć heta šviedskamu narodu»»
Jon zajaviŭ, što šviedski ŭrad sprabuje pavysić abaranazdolnaść krainy, stvarajučy ŭ śviadomaści ludziej razumieńnie taho, što kraina moža ŭstupić u vajnu. Na jaho dumku, u jakaści prykładu možna pakazać supraciŭ Ukrainy suprać Rasii.
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m15
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1111
Kamientary