У Баранавічах прадаюць кавярню, размешчаную ў марскім кантэйнеры
Інфармацыю аб продажы незвычайнай кавярні апублікавалі днямі на папулярнай пляцоўцы аб'яў у Баранавічах, піша мясцовы рэсурс Bar24.
Памяшканне плошчай 7 квадратных метраў цалкам добраўпарадкавана. У аб'яве гаворыцца, што ўсярэдзіне аб'екта цалкам разведзеныя электраправодка і сантэхніка. Таксама там зрабілі чыставое аздабленне.
«Працоўная зона і фартух з нержавейкі, халадзільнік. Тумба для кава-машыны, шаурма-апарат на 3,5 кВ. Усталяваная сістэма аўтаномнай працы падачы вады на 200 л і бак для каналізацыі на 200 л (гэта для працы ў палявых умовах)», — гаворыцца ў аб'яве.
Уладальнік запэўнівае, што ў такой установе могуць свабодна працаваць два супрацоўнікі. Такі фармат бізнэсу, маўляў, «вельмі папулярны за мяжой».
Акрамя рэальных фота кавярні, аўтар аб'явы прыклаў праект, як яе можна дапрацаваць.
Кафэ-кантэйнер уладальнік ацаніў у 5200 даляраў у эквіваленце.
Пракурорскі начальнік абурыўся неабгрунтаванымі затрыманнямі беларусаў8
Каментары