Завод «Луч» выпусціў серыю гадзіннікаў, прысвечаную Міхалу Клеафасу Агінскаму
Новы год Мінскі гадзіннікавы завод «Луч» пачаў з новай лімітаванай серыі. Крыніцай натхнення для дызайнераў стаў кампазітар, аўтар знакамітага паланэза «Развітанне з Радзімай» Міхал Клеафас Агінскі. Усяго такіх гадзіннікаў выпусцілі 200 штук, піша Onliner.
Унікальны нумар кожнага экзэмпляра выгравіраваны на задняй паверхні, але самае цікавае і каштоўнае — у іншых дэталях. На раменьчыку выціснуты фрагмент «Развітання з Радзімай», а цыферблат выкананы на аснове кішэнных гадзіннікаў XVII стагоддзя з элементамі фамільнага гербу Агінскіх.
На паверхні гадзінніка — з адваротнага боку — можна ўбачыць партрэт самога кампазітара.
Як паведамілі «Анлайнеру», у продаж гэтая калекцыя павінна паступіць 9 студзеня. Купіць гадзіннікі можна і ў інтэрнэце, і ў фірмовых крамах сеткі «Луч». Кошт — 419 рублёў.
Цяпер чытаюць
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары