Здароўе11

У ЗША распаўсюдзілася новае паскудства — «гераін з запраўкі»

Гаворка ідзе пра рэчыва, вядомае як тыянепцін. Яго часта называюць «гераінам з запраўкі», бо ў ЗША яно свабодна прадаецца ў прадуктовых крамах і на запраўках, а таксама і праз інтэрнэт як харчовы дадатак.

Прадукты з тыянепцінам паляпшаюць настрой і ўважлівасць, але ў вялікіх дозах крайне небяспечныя. Фота fda.gov

Тыянепцін мае ўласцівасці апіоідаў і належыць да класа рэчываў, спажыванне якіх складана ўрэгуляваць заканадаўча, піша The New York Times.

Нядаўна атрымала розгалас гісторыя маладога бацькі Эрыка, які разам са сваёй жонкай Эн накіроўваўся на сустрэчу з выхавацелямі сваіх дзяцей. Аднак калі ён ішоў па паркоўцы да машыны, яму раптам стала кепска: яго пачало калаціць, ён увесь успацеў. Ягоная жонка Эн устрывожылася і неадкладна патэлефанавала ў службу 911, бо Эрык незадоўга да таго праходзіў курс рэабілітацыі ад наркатычнай залежнасці ў клініцы. 

— Ты нешта прыняў? — спытала Эн у мужа.

— Адну дозу, адну дозу… — прамармытаў Эрык і непрытомны паваліўся на зямлю.

У бальніцы хуткай дапамогі дактары спрабавалі вярнуць Эрыка ў прытомнасць з дапамогай дэфібрылятара. Эн паказала ім флакончык з надпісам Neptune's Fix, які яна знайшла ў машыне.

Асноўны інгрэдыент у Neptune's Fix — тыянепцін.

Прадукты з тыянепцінам масава прадаюцца ў якасці харчовых дадаткаў, якія паляпшаюць настрой і ўважлівасць. Аднак тыянепцін пры гэтым выклікае прызвычайванне і патэнцыйна можа мець шкоднае ўздзеянне на арганізм. Таму ў Амерыцы яго і называюць «гераінам з запраўкі»: ён свабодна прадаецца ў прадуктовых крамах, нават на аўтазаправачных станцыях, а таксама і праз інтэрнэт як харчовы дадатак.

Іншыя падобныя прэпараты, прыкладам, фенібут, таксама выклікаюць прызвычайванне і патэнцыйна могуць наносіць вялізную шкоду здароўю. У Беларусі фенібут прадаецца без рэцэпта, а вось у Літве, Францыі і ЗША ён забаронены, лічыцца наркатычным рэчывам.

Каб вырашыць новую праблему, штаты Фларыда, Мічыган і Агаё забаранілі або істотна абмежавалі продаж тыянепціну.

Тыянепцін быў першапачаткова распрацаваны французскімі даследчыкамі ў 1960-х гадах як антыдэпрэсант. Ëн быў дазволены для выкарыстання ў многіх краінах свету. Аднак калі яго прымаць у большых дозах, ён аказвае эфект, падобны да эфектаў апіоідаў, выклікаючы кароткачасовую эйфарыю.

У Беларусі тыянепцін дазволены для выкарыстання, але толькі ў выглядзе лекавага сродку. 

Каментары1

  • будзет очынь інцярэсна
    17.01.2024
    У Беларусі тыянепцін дазволены для выкарыстання, але толькі ў выглядзе лекавага сродку

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу12

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва62

«Шмат плацяжоў было ў Польшчы». Беларусы масава скардзяцца на блакаванне банкаўскіх картак8

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць