Па вуліцах Гомеля больш за сотню чалавек прайшлі дэманстрацыяй. Хто такі смелы?
У сеціве з'явіліся свежыя фота і відэа з дэманстрацыі, якая шумна ідзе вуліцамі Гомеля. Пры цяперашнім узроўні страху гэта выглядае неверагодным, ды і раней было не так проста сабе ўявіць. Смеласць гэтых людзей, аднак, тлумачыцца проста — яны прыезджыя і недасведчаныя ў мясцовых рэаліях.
Дэманстрацыю правялі фанаты гандбольнага клуба «Зеніт» з Санкт-Пецярбурга.
Учора «Зеніт» правёў выязны матч у рамках SEHA-Лігі з мясцовым клубам «Гомель», у якім перамог з лікам 36:28.
Паводле інфармацыі фанацкіх суполак, у Гомель прыехалі з Санкт-Пецярбурга «два аўтобусы і 80 чалавек сваім ходам». Менавіта яны перад матчам і зладзілі шэсце.
Як выглядае, гомельская міліцыя расійскім фанатам асабліва не перашкаджала, хоць пасля ў фанацкім канале з'явілася паведамленне:
«На выездзе ў Гомель некалькі хлопцаў трапілі па 100% фанацкай тэматыцы пад увагу органаў. Выхад з сітуацыі запатрабаваў немалых фінансавых выдаткаў».
Падрабязнасцяў адносна гэтага пакуль няма.
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося29
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1111
Каментары
По заветам Первого!