«Трэнер можа спытаць: «Чо, схуднела? Нешта цыцкі меншыя сталі». Расійская спартсменка — аб фігурным катанні
Двухразовая чэмпіёнка свету Яўгенія Мядзведзева распавяла пра асаблівасці фігурнага катання, дзе «вельмі моцна сэксуалізуюць» жанчын, і пра тое, што маладыя дзяўчаты перакананыя, што такія адносіны да іх — нармальныя.
«Проста сам факт таго, што я фігурыстка і я ўсё жыццё… Блін, я чэмпіянаты свету, чэмпіянаты Еўропы выігрываю ў майтках. У нас празрыстая спадніца, у нас элементы, што мы ўстаём дупай дагары ў майтках. У прынцыпе, я пражыла ўсё жыццё ў той сферы, дзе нас вельмі моцна сэксуалізуюць», — сказала Мядзведзева ў эпізодзе свайго ютуб-шоў «БеС каментароў», пераказвае «Медуза».
Яна таксама распавяла пра харасмент у фігурным катанні: «Нават недамужчыны-трэнеры могуць сказаць: «Чо, схуднела? Нешта цыцкі меншыя сталі» <… > Гэта значыць, я вырасла ў той сферы, дзе гэта нават ад мужчыны часам чуць нармальна, накшталт: «А чо цыцкі такія маленькія? Кампаненты маленькія будуць, трэба, каб вось сэксуальная форма была». І мы такія: «Так-так, пайду пуш-ап надзену».
Пры гэтым фігурыстка адзначыла, што ў прафесійным спорце аказваюцца непаўналетнія, якія і сутыкаюцца з падобнымі каментарамі і стаўленнем з боку трэнераў.
«Табе 15 гадоў, і табе — норм, ніхто цябе не абразіў. Але потым, мне вось цяпер 24, і я разумею, што «дзядзька, ну так, цыцкі маленькія ў 15 гадоў, ну прабачце, блін», — дадала Мядзведзева.
Мядзведзева — двухразовая сярэбраная прызёрка Алімпіяды 2018 года (адзіночнае катанне і камандныя спаборніцтвы), двухразовая чэмпіёнка свету, Еўропы і Расеі. Яна не выступала на афіцыйных спаборніцтвах з сезона 2019/2020, але рэгулярна катаецца ў лядовых шоу. У верасні 2023 года фігурыстка запусціла сваё шоу на ютубе.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»48
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары