«Trenier moža spytać: «Čo, schudnieła? Niešta cycki mienšyja stali». Rasijskaja spartsmienka — ab fihurnym katańni
Dvuchrazovaja čempijonka śvietu Jaŭhienija Miadźviedzieva raspaviała pra asablivaści fihurnaha katańnia, dzie «vielmi mocna seksualizujuć» žančyn, i pra toje, što maładyja dziaŭčaty pierakananyja, što takija adnosiny da ich — narmalnyja.
«Prosta sam fakt taho, što ja fihurystka i ja ŭsio žyćcio… Blin, ja čempijanaty śvietu, čempijanaty Jeŭropy vyihryvaju ŭ majtkach. U nas prazrystaja spadnica, u nas elemienty, što my ŭstajom dupaj dahary ŭ majtkach. U pryncypie, ja pražyła ŭsio žyćcio ŭ toj śfiery, dzie nas vielmi mocna seksualizujuć», — skazała Miadźviedzieva ŭ epizodzie svajho jutub-šoŭ «BieS kamientaroŭ», pierakazvaje «Mieduza».
Jana taksama raspaviała pra charasmient u fihurnym katańni: «Navat niedamužčyny-treniery mohuć skazać: «Čo, schudnieła? Niešta cycki mienšyja stali» <… > Heta značyć, ja vyrasła ŭ toj śfiery, dzie heta navat ad mužčyny časam čuć narmalna, nakštałt: «A čo cycki takija maleńkija? Kampanienty maleńkija buduć, treba, kab voś seksualnaja forma była». I my takija: «Tak-tak, pajdu puš-ap nadzienu».
Pry hetym fihurystka adznačyła, što ŭ prafiesijnym sporcie akazvajucca niepaŭnaletnija, jakija i sutykajucca z padobnymi kamientarami i staŭleńniem z boku trenieraŭ.
«Tabie 15 hadoŭ, i tabie — norm, nichto ciabie nie abraziŭ. Ale potym, mnie voś ciapier 24, i ja razumieju, što «dziadźka, nu tak, cycki maleńkija ŭ 15 hadoŭ, nu prabačcie, blin», — dadała Miadźviedzieva.
Miadźviedzieva — dvuchrazovaja siarebranaja pryziorka Alimpijady 2018 hoda (adzinočnaje katańnie i kamandnyja spabornictvy), dvuchrazovaja čempijonka śvietu, Jeŭropy i Rasiei. Jana nie vystupała na aficyjnych spabornictvach ź siezona 2019/2020, ale rehularna katajecca ŭ ladovych šou. U vieraśni 2023 hoda fihurystka zapuściła svajo šou na jutubie.
Ciapier čytajuć
Ich Zareckaja: deputat-jabaćka Aleh Navicki kinuŭ biełaruskich inviestaraŭ na miljony dalaraŭ. Detali schiemy2
Kamientary