У Чавускім раёне ўчадзела сям'я з шасці чалавек. Чацвёра дзяцей шпіталізавалі ў цяжкім стане
Сям'я — двое дарослых і чацвёра дзяцей — прыехала на лецішча, дарослыя запалілі ў печы, а праз некаторы час усё адчулі адны і тыя ж сімптомы недамагання.
Спецыялісты хуткай дапамогі дыягнаставалі ва ўсіх членаў сям'і атручэнне чадным газам і шпіталізавалі ў Магілёў, паведамляе Мінздароўя ў сваім тэлеграм-канале.
Зараз дактары Магілёўскай абласной дзіцячай бальніцы канстатуюць у дзяцей стан сярэдняй цяжкасці. Ім праводзяцца неабходныя маніпуляцыі, у тым ліку ідзе актыўнае насычэнне лёгкіх кіслародам. Дарослыя, пасля агляду і правядзення неабходных аналізаў, пакінулі бальніцу.
Мінздароўя нагадвае сімптомы атручвання чадам:
- — слёзацёк без бачных прычын;
- — галавакружэнне і боль у вобласці скроняў і лба;
- — ванітаванне ці падванітаванне;
- — сухі кашаль;
- — частае сэрцабіцце або тахікардыя;
- — памутненне свядомасці і зблытанасць думак;
- — з'яўленне слыхавых і зрокавых галюцынацый.
Для аказання першай дапамогі пацярпелым неабходна:
- — як мага хутчэй вынесці пацярпелага на свежае паветра;
- — аблегчыць дыханне (ачысціць дыхальныя шляхі), расшпіліць адзенне, пакласці пацярпелага на бок;
- — астудзіць твар і грудзі (ледзяная вада ці снег);
- — стымуляваць дыханне (паднесці нашатыр);
- — выклікаць хуткую дапамогу.
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая90
Каментары