На моладзевым хакейным турніры ў Мінску расейцы абразіліся паразе ад беларусаў і ўчынілі дэмарш
Днямі ў Мінску праходзіў хакейны «Кубак будучыні», у фінале якога сышліся юніёрская (U-18) зборная Расіі і моладзевая зборная Беларусі (U20). Выйгралі беларусы, але расейцы былі вельмі незадаволеныя, што публічна і прадэманстравалі.
У фінальным матчы беларусы спачатку вялі 3:0, потым расейцы закінулі ім пяць шайбаў, але ўрэшце гаспадары лёду лік зраўнялі, а ў авертайме супернікаў даціснулі — 6:5.
Расейцы палічылі, што прайгралі толькі з-за кепскай якасці судзейства, і прадэманстравалі гэта падчас узнагароджання, адмовіўшыся прымаць як індывідуальныя прызы, так і камандную «салатніцу» за 2-е месца.
Падчас цырымоніі капітан расійскай каманды Ягор Сурын пакінуў на лёдзе камандны прыз, а брамнік Пётр Андрэянаў і нападаючы Вадзім Дудараў гэтак жа сама зрабілі са сваімі ўзнагародамі найлепшым гульцам турніру ў сваіх амплуа. Прызы ім, дарэчы, уручаў адыёзны Дзмітрый Баскаў, колішні старшыня Федэрацыі хакею Беларусі, а цяпер «сенатар».
@nashaniva Расійскія хакеісты павялі сябе па-хамску #мінск #минсксейчас #лукашенко #минскновости #беларусьновости #новостибеларуси #нашаніва #хоккей #беларусь #динамоминск ♬ A Lot Of Works - Takashi Ogaki
Незадаволенасць суддзямі была выкліканая тым, што тры з пяці шайбаў расійскія юніёры прапусцілі ў няроўных складах, а калі беларусы закідвалі вырашальную шайбу, то суддзі не задаволілі просьбу аб відэапраглядзе эпізоду з-за магчымай перашкоды галкіперу.
Цяпер чытаюць
«Муж прымушаў мяне займацца сэксам утрох». Гісторыя гвалту, якога ніхто не заўважаў6
Каментары