«Пуцін, навядзі парадак». Польскі фермер прыехаў пратэставаць на мяжу з такой просьбай
Польскія фермеры гэтымі днямі ладзяць пратэсты на мяжы з Украінай. Яны перакрылі рух грузавікоў на шасці з дзевяці прапускных пунктаў, не прапускаючы не толькі грузавы, але і пасажырскі транспарт. Падобныя акцыі робяцца і на іншых межах, у тым ліку з Чэхіяй. Пры гэтым сярод пратэстоўцаў ёсць і асобы, што адкрытым тэкстам выказваюцца ў падтрымку Пуціна і заклікаюць яго памагчы.
«Пуцін, навядзі парадак з Украінай і Бруселем, а таксама з нашымі правіцелямі», — так перакладаецца лозунг, прылеплены да аднаго са ста фермерскіх трактароў у Гажычках, што недалёка ад чэшскай мяжы.
Гэта выклікала ў Польшчы скандал, паколькі і ўлады, і грамадства ў гэтай краіне стаяць у цэлым на антырасійскіх пазіцыях і выступаюць у падтрымку Украіны.
Арганізатары пратэсту рашуча адхрысціліся ад гэтага лозунга. Яны расказалі карэспандэнту выдання Gazeta Wyborcza, што ўдзельнікі падбіраюць банеры для мерапрыемства індывідуальна, а самі яны не толькі не маюць нічога супраць Украіны, але якраз наадварот.
«Мы трымаем за іх кулакі ў вайне, таму што ведаем, што калі яны прайграюць, то ў нас на мяжы апынецца Расія», — сказаў адзін з удзельнікаў пратэсту.
Паведамляюць, што фермера ўжо затрымалі, яму выставілі два абвінавачанні: за распальванне і ўсхваленне агрэсіўнай вайны і прапаганду таталітарызму.
Анжаліка Мельнікава пасля знікнення набыла дзве кватэры ў Мінску90
Каментары