Не дагадзілі: якія падарункі беларускі прадаюць на анлайн-барахолцы пасля 8 сакавіка
8 сакавіка прайшоў — а значыць, на гандлёвых пляцоўках у інтэрнэце пачалі зʼяўляцца абʼявы аб продажы падарункаў, якія прыйшліся не па душы або не падышлі мілым дамам. Myfin паглядзеў, што аказалася не да спадобы беларускам.
Смартфоны і іншая электроніка
Знайшлі некалькі абʼяў аб продажы смартфонаў і ноўтбука пасля свята. Самая распаўсюджаная прычына продажу — уладальніцы падарункаў хочуць іншую мадэль або тэлефон іншага брэнда.
«Учора падарылі на 8 сакавіка, але ў мяне ўжо ёсць iPhone».
«Падарылі на 8 сакавіка, прадаю, бо мне патрэбен Pro Max».
«Купляўся як падарунак жонцы, але… яна адмовілася ад яго, бо не ўмее карыстацца) Падарылі замест наўтбука тэлефон».
Бытавыя прыборы
Як высветлілася, некаторыя дзяўчаты хочуць расстацца і з падоранымі на 8 сакавіка прыборамі — у асноўным не спатрэбіліся фены і адпарвальнікі.
«Падарылі на 8 сакавіка, але бо нядаўна купіла сабе новы фен, то два не трэба».
«Фен новы, падарылі на 8 сакавіка. Прадаю ў сувязі з тым, што падарылі два фены».
«Прадам за непатрэбнасцю (падарылі да 8 сакавіка)».
Касметыка
З такімі падарункамі заўсёды лёгка памыліцца, бо не так проста адгадаць перавагі адрасата. Таму не дзіўна, што такія абʼявы таксама хутка зʼявіліся на анлайн-пляцоўцы.
«Падарылі на 8 сакавіка, але такім не карыстаюся».
«Падарылі, не мой пах».
… і шмат іншага
Знайшлі яшчэ некалькі цікавых абʼяў. Напрыклад, адна дзяўчына прадае акуляры, падораныя мужам на 8 сакавіка. Як аказалася, дарыльшчык не адгадаў з фасонам.
Таксама гатовы расстацца і з падарункавым пакаваннем шакаладу, таму што дзяўчына проста не аматар прысмакаў.
Яшчэ адзін лот на продаж пасля свята — кніга. Аказалася, што ў уладальніцы зараз дзве такія.
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»40
Каментары