Расійскіх памежнікаў з 1 жніўня не будзе ў ерэванскім аэрапорце «Звартноц»
Пытанне аб вывадзе расійскіх памежнікаў з ерэванскага міжнароднага аэрапорта «Звартноц» для армянскага боку канчаткова вырашана. Пра гэта 27 сакавіка заявіў журналістам спікер парламента Арменіі Ален Сіманян.
«Для Арменіі гэта ўжо вырашанае пытанне. Не думаю, што тут ёсць якая-небудзь дыскусія», — сказаў Сіманян.
Пры гэтым ён адзначыў, што пастаўлены прэм'ер-міністрам Арменіі Ніколам Пашынянам тэрмін спынення працы расійскіх памежнікаў у «Звартноцы» з 1 жніўня 2024 года застаецца ў сіле.
Разам з тым, адзначыў армянскі спікер, робіцца спроба прадставіць гэты працэс як нейкае парушэнне міждзяржаўнага пагаднення, якое было заключанае з мэтай дапамогі армянскім памежнікам на гэтым участку. Цяпер жа, па яго словах, неабходнасці ў гэтым больш няма.
27 лютага спікер парламента Арменіі Ален Сіманян заявіў, што расейскія памежнікі павінны пакінуць ерэванскі міжнародны аэрапорт «Звартноц». Ерэван пісьмова паведаміў Маскве пра спыненне працы расійскіх памежнікаў у аэрапорце «Звартноц» з 1 жніўня 2024 года.
Прэм'ер-міністр Арменіі Нікол Пашынян заяўляў у гэтым кантэксце, што «армянская памежная служба, у прыватнасці ў аэрапорце «Звартноц», ужо набыла дастатковыя навыкі і вопыт для таго, каб несці памежную службу ў аэрапорце без садзейнічання расійскага боку».
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі17
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары