Святлана Ціханоўская сёння сустрэлася ў Брусэлі са спікерам парламента Арменіі Аленам Сіманянам. Сярод іншага было паднята пытанне беларуса Яраслава Новікава, які затрыманы ў Арменіі на запыт лукашэнкаўскіх сілавікоў.

Сустрэча адбылася ў Еўрапарламенце падчас кангрэсу Еўранэсту, на якім выступіла Святлана Ціханоўская. Акрамя Арменіі, удзел у кангрэсе бралі дэпутаты Азербайджана, Грузіі, Украіны і Малдовы.
Ціханоўская падчас сустрэчы з Аленам Сіманянам выказала спадзяванне на больш шчыльную супрацу з армянскімі парламентарыямі, выказала ім словы салідарнасці. Таксама яна падзякавала за рашэнне прэм'ера Нікола Пашыняна не прыязджаць на саміт АДКБ у Мінск.
Галоўнае ж — з армянскай дэлегацыяй падымалася пытанне беларуса Яраслава Новікава, затрыманага на запыт сілавікоў Беларусі. Прадстаўнікі Арменіі паведамілі Святлане Ціханоўскай, што хлопец атрымае ў іх краіне палітычны прытулак.
Чытайце таксама:
Беларус, якога арыштавалі ў Арменіі праз вышук на радзіме, перадаў ліст з турмы
У Арменіі з пачатку года затрымалі на запыт пракуратуры Беларусі чатырох беларусаў
Беларус, арыштаваны ў Арменіі на запыт лукашэнкаўскіх сілавікоў, звярнуўся па палітычны прытулак
Суд у Арменіі арыштаваў на 40 дзён беларуса для яго далейшай перадачы на радзіму
У Арменіі затрымалі ўхіліста ад войска з Беларусі. Яго могуць выслаць на радзіму
-
Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер
-
Нямецкі дэпутат, які мае пад Лідай фірму па перапрацоўцы цыбулі, выклікаў паліцыю на журналістаў і былога беларускага вязня
-
Расійскага блогера-жанчынаненавісніка затрымалі за «рэабілітацыю нацызму»
Каментары