«Турэцкай» Southwind Airlines забаранілі лётаць над ЕС. Сённяшні рэйс з Мінска адменены
Усе рэйсы на красавік зніклі.
У канцы мінулага года турэцка-расійская авіякампанія Southwind Airlines, звязаная з расійскім Pegas Touristic, пачала выконваць палёты па маршруце Мінск — Стамбул не праз Расію, а над тэрыторыяй ЕС.
Гэта было магчыма, бо авіякампанія была створана толькі ў 2022 годзе і на паперах заяўляла, што яны менавіта «турэцкая авіякампанія». Хаця фактычна адразу стала зразумела, што гэта не так. Бо за ёй стаіць уладальнік расійскага тураператара Pegas Touristik — Рамазан Акпынар, а сам флот авіякампаніі першапачаткова складаўся з самалётаў расійскай авіякампаніі Nordwind Airlines.
Цяпер жа сітуацыя з іх палётамі над ЕС рэзка змянілася, піша Motolkohelp.
Нідэрландскае авіяцыйнае таварыства паведамляе, што 28 сакавіка 2024 г. ЕС забараніў Southwind Airlines палёты з Турцыі ў ЕС і праз Еўрасаюз.
Гэта адбылося пасля таго, як Southwind Airlines падала заяўку ў Фінскае агенцтва транспарту і камунікацый (Traficom) на пачатак палётаў у Фінляндыю, але там ім адмовілі, бо ўбачылі, што авіякампанія насамрэч не турэцкая, а расійская.
«Мы прыйшлі да высновы, што авіякампанія і яе кантроль звязаныя з расійскімі зацікаўленымі бакамі», — сказаў гендырэктар Traficom.
Еўрапейскія авіяўлады ў Бруселі пагадзіліся з рашэннем Traficom і распаўсюдзілі яго на ўвесь ЕС.
Гэтае рашэнне ЕС адразу ж адбілася на Southwind Airlines
Апошні рэйс па маршруце Стамбул — Мінск над тэрыторыяй ЕС авіякампанія выканала 28 сакавіка. Наступны па тым жа маршруце (STW625) з 29 на 30 сакавіка праходзіў ужо над тэрыторыяй РФ.
А далей усё зусім незразумела. Самалёт, які прыляцеў у Мінск сёння ноччу, павінен быў вылецець назад у Стамбул у 01:35, але гэтага не адбылося — самалёт усё яшчэ ў Мінску, а яго вылет пазначаны як адменены.
Больш за тое, з сайта авіякампаніі зніклі з продажу ўвогуле ўсе білеты на далейшыя рэйсы ў/з Мінска.
Цяпер чытаюць
«Пакінулі на некалькі гадзін аднаго на вакзале». Мужчына памёр пасля падзення з вышыні на працы1
«Пакінулі на некалькі гадзін аднаго на вакзале». Мужчына памёр пасля падзення з вышыні на працы
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары