У Еўрасаюзе сцвярджаюць, што не ўводзілі санкцый супраць авіякампаніі Southwind Airlines
Еўрапейскі саюз не ўжываў ніякіх санкцый у дачыненні да турэцкай авіякампаніі Southwind Airlines, якая сутыкнулася з абмежаваннем палётаў у ЕС і вымушаная была на гэтым фоне скасаваць палёты паміж Мінскам і Стамбулам, паведамляе РБК.
«Санкцыі ЕС прымаюцца дзяржавамі-чальцамі аднагалосна і публікуюцца ў афіцыйным часопісе ЕС. На сённяшні дзень ЕС не ўжываў ніякіх падобных санкцый у дачыненні да гэтай кампаніі», — паведамілі ў ведамстве.
ЕС падтрымлівае дзеянні дзяржаў, якія ўваходзяць у саюз, накіраваныя на забеспячэнне адзінага падыходу да ўжывання санкцый, дадалі ў Еўракамісіі.
Пра тое, што Брусель забараніў палёты Southwind Airlines у ЕЗ у рамках Рэгламенту 833/2014 (тычыцца абмежавальных захадаў Расіі праз канфлікт ва Украіне), паведамляла турэцкае галіновае выданне Turizm Guncel.
Выданне Airways Magazine пісала, што Фінляндыя не дазволіла авіякампаніі палёты на сваю тэрыторыю, паколькі Хельсінкі выявіў парушэнні еўрапейскага заканадаўства з боку перавозчыка.
Паводле звестак фінскіх авіяўладаў, кантроль над Southwind Airlines належыць не заяўленым турэцкім фізічным і юрыдычным асобам, а расійскім — яны заснавалі Southwind Airlines, а большая частка персаналу і авіяпарку былі арандаваныя ў расійскай Nordwind.
Адной з першых ад санкцый супраць авіякампаніі Southwind Airlines пацярпела прапагандыстка АНТ
Southwind Airlines адмяняе палётную праграму Мінск — Стамбул
«Турэцкай» Southwind Airlines забаранілі лётаць над ЕС. Сённяшні рэйс з Мінска адменены
Расія стварыла падстаўную авіякампанію, каб перавозіць нелегальных мігрантаў у Еўропу праз Мінск
Каментары