Галоўнай мэтай заказчыкаў тэракту ў «Крокус Сіці Холе» было нанясенне шкоды адзінству Расіі, заявіў Уладзімір Пуцін падчас выступу на XII з'ездзе Федэрацыі прафсаюзаў, піша РБК.
«Нас паставілі ва ўмовы, калі краіна вымушана абараняць свае інтарэсы ўзброеным шляхам — сваіх людзей, сваю будучыню, свой суверэнітэт. Тут няма ніводнага лішняга слова. Найважнейшай умовай нашага агульнага поспеху з'яўляецца адзінства расійскага шматнацыянальнага грамадства, — сказаў ён. — У гэтай сувязі, вядома, і мяркуючы па тым, што цяпер дае следства, у нас ёсць усе падставы меркаваць, што галоўнай мэтай заказчыкаў крывавага, жудаснага тэрарыстычнага акту ў Маскве было як раз нанясенне шкоды адзінству Расіі».
Са слоў Пуціна, іншых мэтаў у заказчыкаў тэракту не было. «Расія не можа быць аб'ектам тэрарыстычных нападаў з боку ісламскіх фундаменталістаў», — заявіў прэзідэнт Расіі, звяртаючы ўвагу на паводзіны Расіі «на замежнай арэне».
Расія абвінавачвае ў тэракце Украіну, Украіна катэгарычна адмаўляе.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»47
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары