Hałoŭnaj metaj zakazčykaŭ teraktu ŭ «Krokus Sici Chole» było naniasieńnie škody adzinstvu Rasii, zajaviŭ Uładzimir Pucin padčas vystupu na XII źjeździe Fiederacyi prafsajuzaŭ, piša RBK.
«Nas pastavili va ŭmovy, kali kraina vymušana abaraniać svaje intaresy ŭzbrojenym šlacham — svaich ludziej, svaju budučyniu, svoj suvierenitet. Tut niama nivodnaha lišniaha słova. Najvažniejšaj umovaj našaha ahulnaha pośpiechu źjaŭlajecca adzinstva rasijskaha šmatnacyjanalnaha hramadstva, — skazaŭ jon. — U hetaj suviazi, viadoma, i miarkujučy pa tym, što ciapier daje śledstva, u nas jość usie padstavy mierkavać, što hałoŭnaj metaj zakazčykaŭ kryvavaha, žudasnaha terarystyčnaha aktu ŭ Maskvie było jak raz naniasieńnie škody adzinstvu Rasii».
Sa słoŭ Pucina, inšych metaŭ u zakazčykaŭ teraktu nie było. «Rasija nie moža być abjektam terarystyčnych napadaŭ z boku isłamskich fundamientalistaŭ», — zajaviŭ prezident Rasii, źviartajučy ŭvahu na pavodziny Rasii «na zamiežnaj arenie».
Rasija abvinavačvaje ŭ terakcie Ukrainu, Ukraina kateharyčna admaŭlaje.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary