Франтавыя выпрабаванні пацвердзілі іх эфектыўную працу.
Prague Support Team, якая дапамагае беларускім валанцёрам, сумесна з беларускімі пілотамі і камандай беларускіх і ўкраінскіх інжынераў арганізавала вытворчасць ударных FPV-дронаў пад брэндам FlightCore Dynamics. Пра гэта паведамляе выданне Reform.news.
Першая партыя прайшла франтавыя выпрабаванні ў лютым —сакавіку ў трох падраздзяленнях Узброеных сіл Украіны.
Гаворка ідзе пра:
- РУБпАК «Небесна Кара» 54 АМБр;
- падраздзяленне «Сліпа Лють» УДА;
- 1 АДШР/РУБпАК «Пярун» 79 АДШБр.
«Франтавыя выпрабаванні пацвердзілі эфектыўную працу вырабаў у самых складаных умовах процідзеяння варожых РЭБ», — заявілі ў Prague Support Team.
Каманда публікуе відэа, на якім беларускія пілоты ў рэжыме «свабоднага палявання» на далёкіх дыстанцыях адпрацавалі па БМП і танку.
На сёння пастаўлена 25 дронаў, большая частка з якіх прафінансавана за кошт уласных рэсурсаў каманды PST. Частку дронаў аплаціла мэрыя чэшскага горада Ржычаны.
Цяпер чытаюць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення8080
Каментары