У Севастопалі ўкраінцы трапілі ракетай па «Камуне» — найстарэйшым вайсковым судне Расіі
Характар пашкоджанняў пакуль невядомы, але Украіна пераконвае, што карабель адназначна больш не здатны выконваць заданні.
Раніцай 21 красавіка падчас удару па Севастопалі ўкраінская ракета трапіла ў выратавальнае судна «Камуна» часоў Расійскай імперыі.
Яго заклалі ў 1912-м пад назвай «Волхаў», а ў 1915 спусцілі на ваду.
«Камуна» была найстарэйшым суднам ВМФ Расіі і найстарэйшым суднам у свеце, якое выконвае баявыя задачы.
Наступствы ўдару трапілі на відэа.
Каментары