Рэцэпт, які прыдасца ў летні сезон.
Фота: Freepik
Каб прыгатаваць суп з агуркамі і грэцкімі арэхамі з балгарскімі ноткамі, спатрэбіцца:
- 2-4 ачышчаныя зубкі часнаку
- соль па смаку
- 2 шклянкі густога простага ёгурту (можна грэчаскага) ці кефіру
- 2 сталовыя лыжкі алею, найлепш калі аліўкавага
- 2 кубкі пачышчаных грэцкіх арэхаў, дробна нарэзаных
- 1 доўгі агурок або 3 маленькія, нарэзаныя дробнымі кубікамі
- 1 шклянка ледзяной вады, калі магчыма — крынічнай
- 2 лыжкі лімоннага соку
- свежамолаты перац
Для гарніру:
- кубікі лёду (па жаданні)
- дробна нарэзаныя грэцкія арэхі
- алей
- дробна нарэзаны свежы кроп або мята
Як гатаваць:
- Пакладзіце часнок у ступку з ½ чайнай лыжкі солі і разамніце да стану пасты.
- Змясціце ёгурт у місу. Дадайце алей, часнок і грэцкія арэхі. Узбіце венцам ваду і лімонны сок. Дадайце соль і свежамолаты перац па смаку. Астудзіце на працягу гадзіны або даўжэй.
- Тым часам злёгку прыпраўце агуркі соллю і дайце сцячы вадзе ў друшляку на 15 хвілін. Дадайце да ёгуртавай сумесі і перамяшайце.
- Калі маеце жаданне, пакладзіце ў кожную міску па кубіку лёду і разліце суп. Зверху пасыпце здробненымі грэцкімі арэхамі, пры жаданні апырскайце алеем і пасыпце кропам або мятай.
Цяпер чытаюць
Улады Гродна паведамілі пра выхад з ладу ліўнёўкі пад ударам стыхіі1
Каментары
------------------------------------------------------------------------------------------------
>Гастраэнтэролагі не рэкамендуюць піць пасля агуркоў халодную ваду(!!!),.. і асабліва(!!!) малако (!!!). Інакш парушаецца дзейнасць страўніка, абцяжарваецца страваванне, могуць узнікнуць болі ў жываце і адчуванне цяжару ў ім.-->https://dck8xvlq18iei.cloudfront.net/346106/