У Польшчы затрымалі двух беларусаў, падазраваных у здзяйсненні падпалаў
Агенцтва ўнутранай бяспекі Польшчы (АУБ) затрымала ў Варшаве некалькі чалавек па падазрэнні ў здзяйсненні падпалаў на тэрыторыі краіны, піша «Позірк» на аснове матэрыялаў польскай прэсы.
Як паведаміла 28 мая Gaszeta Wyborcza, у ліку затрыманых — уладальнік аўтамабіля Renault з беларускімі дзяржнумарамі.
Адзначаецца, што затрыманні праводзілі супрацоўнікі АУБ «у масках і з даўгаствольнай зброяй». Падчас вобшуку аўтамабіля выяўленыя «пустыя каністры, буйная сума наяўных грошай у рознай валюце, а таксама кабелі, лом і прадметы, якія нагадваюць батарэйкі».
«Відавочцы сведчаць, што ў затрыманага праваахоўнікамі мужчыны выявілі некалькі мабільных тэлефонаў», — гаворыцца ў публікацыі выдання.
Паведамляецца, што гаворка ідзе пра арышт падазраваных у здзяйсненні падпалаў, аднак, «следчыя пракуратуры і АУБ не хочуць раскрываць ніякіх падрабязнасцяў». Таксама невядомая колькасць затрыманых.
Паводле інфармацыі партала miejskireporter.pl, у горадзе Прушкаў Мазавецкага ваяводства па «справе аб падпалах» затрымана двое грамадзян Беларусі. Падрабязнасці не паведамляюцца.
21 мая прэм'ер-міністр Польшчы Дональд Туск заявіў, што сярод падазраваных у арганізаваных Расіяй спробах дыверсій ёсць грамадзяне Беларусі. Гаворка ішла, у прыватнасці, пра спыненую спробу падпалу завода па вытворчасці фарбаў ва Уроцлаве.
«На гэты момант у нас ёсць дзевяць падазраваных, арыштаваных і абвінавачаных ва ўдзеле ў дыверсіях у Польшчы на запыт расійскіх службаў. Гэта тычыцца нападу, падпалу і спробы падпалу», — сказаў ён.
Па словах польскага прэм'ера, гаворка ідзе пра людзей з «крымінальнага свету»:
«Гэта тычыцца грамадзян Украіны, Беларусі і Польшчы. Гэтае пытанне не носіць нацыянальнага характару».
Падобныя дзеянні планаваліся таксама ў Літве, Латвіі і Швецыі, сцвярджае кіраўнік польскага ўрада.
«Справа вельмі сур'ёзная». У Польшчы працягваецца справа падазраваных у дыверсіях і сабатажы
У Польшчы стварылі яшчэ адну камісію па расійскім і беларускім уплывах
Узмацніць мяжу і забыць? Што азначае для Беларусі жаданне Польшчы выдаткаваць $2,5 мільярда на ўзмацненне мяжы
У Польшчы створаць камісію па расследаванні ўплыву Расіі і Беларусі
Цяпер чытаюць
Анжаліка Мельнікава тыдзень правяла на Шры-Ланцы і вылецела з дзецьмі ў Дубай13
Каментары