«Гэта не абавязкова самы ліберальны чалавек».
Аналітык Сяргей Чалы нядаўна прадказваў, што пасля сыходу Лукашэнкі мы будзем назіраць перайгранне падзей халоднага лета 1953-га.
«Дынаміка развалу і пераўтварэння сістэмы прыкладна будзе падобная. Будзе ўмоўны раскол паміж умоўным Берыяй (сілавікамі) і ўмоўным Хрушчовым-Малянковым (грамадзянскімі). І ўся задача будзе заключацца ў тым, хто каго пераможа, хто каго хутчэй арыштуе як здрадніка, ворага ці яшчэ каго», — дзяліўся Чалы.
Палітолаг Юрый Дракахруст у новым ТОКу разважае, што беларускім Хрушчовым могуць стаць самыя нечаканыя людзі.
«Гэта не абавязкова самы ліберальны чалавек, які такім цяпер выглядае. Гэта можа быць і Качанава, і Галоўчанка. Хрушчоў не выглядаў самым ліберальным дзеячам у савецкім арэапагу. Зусім не. Можа, які Малянкоў быў больш гнуткім».
У той жа час, адзначае палітолаг, рэч не толькі ў персаналіях:
«Многія ліберальныя першыя пачынанні пасля смерці Сталіна ініцыяваў Берыя. І незалежна ад таго, чым бы скончылася бойка ў Крамлі, напрыклад, калі б Берыя быў першым нумарам, а не Хрушчоў, то ўсё роўна адыход ад сталінізму бы адбыўся».
Таму, на погляд Дракахруста, задума Лукашэнкі стварыць нейкую інстытуцыю, якая спыніць працэс пераменаў ва ўладзе, не мае поспеху: «Калі працэс пойдзе, то яго нішто не спыніць. Але яго зыход будзе каласальным крызісам, каласальным стрэсам для гэтай сістэмы».
Глядзіце цалкам:
Цяпер чытаюць
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары