Вакол Марыі Калеснікавай у калоніі ствараюць інфармацыйны вакуум
Былая палітзняволеная, якая вызвалілася з гомельскай калоніі, расказала «Вясне», што яе адміністрацыя забараняе жанчынам камунікаваць з Марыяй. З ёй заўсёды ходзяць ахоўніцы, нават у прыбіральню. Сочаць за ёй таксама іншыя зняволеныя, якія супрацоўнічаюць з адміністрацыяй.
«Аднойчы на Марыю напісалі рапарт, бо была апранутая не па форме. Расказвалі, што ёй у кубак падкінулі таблетку. І Марыя гучна спыталася: «Хто мне паклаў таблетку?» Зразумела, што так проста — без дазволу аператыўнікаў — такое не адбываецца.
Мы некаторы час працавалі разам на фабрыцы, але размаўляць не маглі, толькі падміргвалі адна адной. Перад змяшчэннем у ПКТ у сакавіку 2023 года Марыя трошкі паправілася, выглядала лепей, пасміхалася, але ўсё адно была схуднелая».
Жанчына ўзгадвае, што адна зняволеная аднойчы папрасіла ў Марыі аўтограф на памяць, а тая сказала: «Што вы? Які аўтограф? Мне ні з кім размаўляць нельга, і калі цяпер хтосьці нас убачыць, то будуць праблемы».
Цяпер чытаюць
Работніцы «Мінск-Арэны» далі калонію за «садзейнічанне экстрэмізму»1
Работніцы «Мінск-Арэны» далі калонію за «садзейнічанне экстрэмізму»
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8989
Каментары