Беларус заплаціў 80 еўра за хуткі пераход мяжы. Ні грошай, ні хуткага перасячэння
«Чарга была настолькі вялікая, што я перавёў грошы».
Мужчына заплаціў 80 еўра за тое, каб праехаць мяжу без чаргі, а ў выніку і грошы страціў, і ў чаргу давялося стаць. Сваю гісторыю ён распавёў у чаце па перасячэнні мяжы, каб папярэдзіць іншых наконт ашуканца, піша «Люстэрка».
На зламысніка наш суайчыннік выйшаў, калі пацікавіўся магчымасцю куплі месца ў чарзе на польска-беларускай мяжы.
«Некалькі чалавек скінулі мне акаўнт аднаго і таго ж чалавека і запэўнілі, што ён дзесьці там працуе, з ім звязацца і ён дапаможа пераехаць», — падзяліўся беларус.
Мужчына напісаў «рашалу» ў тэлеграм. Той запэўніў, што «ўсё будзе», але «папрасіў перавесці 80 еўра па безнаяўным разліку».
«Мяне гэта збянтэжыла, але чарга настолькі вялікая, што я перавёў», — распавёў беларус.
Як толькі мужчына скінуў зламысніку пацверджанне пераводу, той перастаў адказваць на яго паведамленні.
«Пішу для таго, каб іншыя на гэтую схему не вяліся», — патлумачыў наш зямляк, выклаўшы скрыншоты перапіскі з ашуканцам.
Па дадзеных Дзяржпагранкамітэта на 8.00 2 ліпеня, выезду з Беларусі ў Польшчу чакаюць 200 легкавікоў і 55 аўтобусаў.
З польскага боку мяжы час праезду ў Беларусь праз пункт пропуску «Тарэспаль» (з беларускага боку «Брэст») складае 13 гадзін для аўто і 4 гадзіны для аўтобусаў, перадае сайт мытнай службы Польшчы.
-
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю
-
Юліяна Шаметавец з «Кіберпартызанаў» стала маці — расказвае пра дэкрэтны адпачынак у ЗША і тое, ці сапраўды можна сумяшчаць працу з мацярынствам
-
Каверын выбачыўся за прапанову эратычнай фотасесіі для Ціханоўскай
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю10
Каментары