Грамадства

Павел Белавус расказаў, як за кратамі даведаўся пра Нобелеўскую прэмію Бяляцкага

«Беражы гэтую машынку як скарб! Рэч гістарычная, потым на аўкцыёне прадасі».

Алесь Бяляцкі і Павел Белавус. Фота: Павел Белавус / Facebook

Сузаснавальнік Symbal.by і пляцоўкі «Арт Сядзіба», былы палітвязень Павел Белавус падзяліўся ў фэйсбуку ўспамінамі, як ён у зняволенні даведаўся пра тое, што Алесь Бяляцкі атрымаў Нобелеўскую прэмію міру.

«7 кастрычніка 2022 года я ўжо дзясяты месяц быў на Валадарцы, у той момант у камеры № 15. Гэта былі тыя часы, калі і сама Валадарка яшчэ працавала, і не стала гандлёвым цэнтрам, ды паміж камерамі хадзілі «дарогі» і па «мокрай», і па «паветры».

І вось па адной з такіх «дарогаў», ужо і не ўспомню, ад каго менавіта, да нас прыйшла «малява» з навіною: Алесь Бяляцкі атрымаў Нобелеўскую прэмію міру!

Я адразу агучыў гэта суседзям па камеры. Адзін з іх — чалавек бывалы, для якога гэта была ўжо ці то трэцяя ходка (як ён апынуўся ў нашай камеры — асобная гісторыя) — раптам застыў і кажа:

— О, дык я ж да цябе быў мінулыя месяцы з Бяляцкім у адной камеры!

Пасля гэтых слоў ён дастае машынку для стрыжкі і з гонарам дадае:

— Я ж гэтай самай машынкай яго сівыя валасы стрыг! Уяўляеш сабе?!

Я яму тады і параіў, як старому і дасціпнаму махляру:

— Дык беражы гэтую машынку як скарб! Рэч гістарычная, потым на аўкцыёне прадасі. А каб гучала яшчэ больш пераканаўча, расказвай усім, што Бяляцкі даведаўся пра Нобеля якраз у той момант, калі ты яго гэтай машынкай стрыг.

Не ведаю, ці паслухаўся мяне той дзядзька і як склаўся яго лёс далей. Але тая навіна стала для мяне неверагодна важнай і натхняльнай. Яна дала дакладнае адчуванне: мы не адныя, пра нас памятаюць, і ўсё абавязкова будзе добра!»

Каментары

Цяпер чытаюць

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе13

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Усе навіны →
Усе навіны

Трамп: Пуцін сказаў мне, што не пайшоў бы вайной на Украіну, калі б я тады быў прэзідэнтам18

Проста зняць лазню ў аграсядзібе больш не выйдзе. Для ўладальнікаў і гасцей запрацавалі новыя правілы6

Пасля выкрыцця спробы палітычнага забойства Данія абмяжоўвае выдачу віз расіянам і выкідае з краіны расійскага аташэ

«Табе яшчэ прыйдзецца выбачыцца». Ціханоўскі адказаў Севярынцу125

Міністр абароны Германіі заклікаў еўрапейцаў ехаць да Пуціна ў Маскву9

УСУ вызвалілі 14 вёсак на Харкаўшчыне. Аперацыя «Мядзведжы капкан» праходзіла ў рэжыме поўнай сакрэтнасці7

Памёр мастак Юрый Несцярук1

У Івана-Франкоўскай вобласці расійская ракета прабіла дах дома, але не выбухнула ФОТА

Пад антарктычнымі льдамі знайшлі сляды гор, якія дапамаглі эвалюцыі

больш чытаных навін
больш лайканых навін

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе13

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Галоўнае
Усе навіны →

Заўвага:

 

 

 

 

Закрыць Паведаміць