Выданне Myfin.by вывучыла афіцыйную статыстыку па заробках у рэгіянальным разрэзе і паглядзела, у якіх раёнах Беларусі зафіксаваныя самыя нізкія сярэднія заробкі.
Паводле даных Белстата, у разрэзе абласцей самы нізкі намінальны налічаны сярэдні заробак у маі 2024 года адзначаны ў Магілёўскай вобласці — 1860,3 руб. У канцы рэгіянальнага рэйтынгу апынуліся наступныя раёны: Мсціслаўскі (1500,2 руб.), Слаўгарадскі (1501,5 руб.) і Хоцімскі (1519,6 руб.).
У Віцебскай вобласці сярэдні заробак склаў 1905,9 руб. Менш за ўсё ў маі зараблялі ў Шаркаўшчынскім (1530,8 руб.), Расонскім (1547,9 руб.) і Ушацкім (1578,1 руб.) раёнах.
Намінальны налічаны сярэдні заробак у Брэсцкай вобласці апынуўся на ўзроўні 1945,6 руб. Аўтсайдарамі па ўзроўні сярэдняга заробку былі Ганцавіцкі (1594,2 руб.), Столінскі (1624,6 руб.) і Драгічынскі (1709,2 руб.) раёны.
У Гродзенскай вобласці ў маі 2024 года сярэдні заробак склаў 2008,0 руб. Самыя нізкія заробкі налічылі работнікам такіх раёнаў, як Іўеўскі (1508,0 руб.), Свіслацкі (1690,5 руб.), Карэліцкі (1691,2 руб.).
Намінальны налічаны сярэдні заробак у Гомельскай вобласці склаў 2022,4 руб. Самыя бедныя раёны вобласці па выніках мая — Акцябрскі (1505,3 руб.), Лельчыцкі (1543,0 руб.) і Веткаўскі (1557,5 руб.).
У Мінскай вобласці сярэдні заробак у апошні месяц вясны выйшаў на ўзровень 2254,4 руб. Мінімальныя паказчыкі па заробках зафіксаваныя ў Бярэзінскім (1734,1 руб.), Вілейскім (1754,4 руб.) і Любанскім (1803,5 руб.) раёнах.
Бяляцкі: Не трэба спяшацца адмяняць санкцыі. Бо гэта будзе ўспрынята рэжымам як яго перамога і слабасць Еўропы15
Каментары