Сталі вядомыя падрабязнасці жудаснага ДТЗ пад Магілёвам. У ім загінуў 5-гадовы хлопчык і яго бацька
Сямʼя на аўтамабілі Volkswagen, кіроўца якога не справіўся з кіраваннем, вярталася з лецішча ў Магілёў.
Паводле папярэдніх звестак, увечары 13 ліпеня паблізу вёскі Фойна кіроўца Volkswagen, здзяйсняючы абгон спадарожнай фуры, страціў кантроль над кіраваннем. Машына выехала на сустрэчную паласу, дзе сутыкнулася з аўтамабілем Audi, які цягнуў прычэп.
У выніку ДТЗ 34-гадовы жыхар Магілёва і ягоны 5-гадовы сын, якія знаходзіліся ў Volkswagen, памерлі на месцы.
Жонка загінулага мужчыны і іх 3-гадовая дачка шпіталізаваныя.
Двое 18-гадовых жыхароў Клімавіцкага раёна з Audi таксама знаходзяцца ў бальніцы.
На месцы здарэння ўсю ноч працавалі следчыя. СК піша, што сямʼя на аўтамабілі Volkswagen вярталася з лецішча ў Магілёў. Дзеці перавозіліся ў спецыяльных дзіцячых прыстасаваннях.
Заведзеная крымінальная справа па ч. 3 арт. 317 (парушэнне правіл дарожнага руху, што пацягнула па неасцярожнасці смерць дзвюх або больш асоб) Крымінальнага кодэкса Беларусі.
«У пашпарце бабулі стаіць дата нараджэння 00.00.1945» — «А ў маёй XX.XX.1940». Як такое можа быць?2
Каментары