Трое дзяцей і іх маці пасля сутыкнення мікрааўтобуса з грэйдарам пад Брэстам змешчаныя ў рэанімацыю, паведамілі ў прэс-службе Міністэрства аховы здароўя.
Медыкі ўдакладнілі, што ўсяго ў выніку аварыі, якая адбылася каля вёскі Братылава за тры кіламетры ад Брэста, пацярпелі восем чалавек, шасцёра з іх — дзеці.
Усе пацярпелыя былі дастаўленыя брыгадамі хуткай дапамогі ў Брэсцкую абласную клінічную бальніцу і Брэсцкую дзіцячую абласную бальніцу.
«Чацвёра пацярпелых (1 дарослы і 3 дзяцей) шпіталізаваныя ў рэанімацыйныя аддзяленні. Яшчэ адно дзіця — у артапеда-траўматалагічнае аддзяленне. Яго стан ацэньваецца як сярэдняй ступені цяжкасці», — гаворыцца ў паведамленні ў тэлеграм-канале ведамства.
У міністэрстве ўдакладнілі, што шпіталізацыя не спатрэбілася траім пацярпелым, ім аказалі дапамогу ў прыёмных аддзяленнях.
Аварыя пад Брэстам адбылася сёння днём. 52-гадовы кіроўца, кіруючы грэйдарам, сутыкнуўся з мікрааўтобусам Mercedes-Benz пад кіраваннем 29-гадовага мужчыны. Ад удару мікрааўтобус з'ехаў у левы кювет і перакуліўся. У ДТЗ пацярпелі пасажыры аўто — 27-гадовая жанчына і шэсць яе дзяцей (ва ўзросце ад 10 месяцаў да 8 гадоў).
Цяпер чытаюць
Пра што маўчыць Аляксей Францкевіч, якому Польшча закрыла ўезд на 10 гадоў39
Каментары